زمانہ کی رفتار تیز ہوچکی ہے، اب گھنٹے منٹوں کے حساب سے سفر کرتے ہیں، اور منٹ سیکنڈ کے اعتبار سے دوڑتے ہیں، زمانہ کی اس رفتار کے ساتھ ساتھ دنیا کی حاجتیں بھی دگنی ہو گئی ہیں، اور دنیا داری کے تقاضے بھی پہلے سے بڑھ گئے ہیں، ایسے وقت میں دین سیکھنے کے لیے باقاعدہ وقت نکال کر کسی دینی ادارے میں زندگی کے دس بارہ سال وقف کرنا مشکل ہوگیا ہے الا ماشآء اللہ، لیکن اس کے ساتھ ساتھ دینی تعلیم کی اہمیت و ضرورت بھی اپنی جگہ مسلم ہے اور اس کا حصول ناگزیر ہے، کیوں کہ بحیثیت مؤمن دینی تعلیم حاصل کرنا ہر مسلمان پر لازم اور ضروری ہے، اور دنیا کے کسی بھی موڑ اور کسی بھی شعبہ میں دین کے بغیر چلنا ایمان کے لیے انتہائی مہلک ہے۔ دوسری طرف یہ امت فتنوں کی لپیٹ میں ہے، ظاہری اور باطنی فتنے چاروں طرف سے حملہ آور ہیں