اللہ تبارک و تعالیٰ نے قیامت تک کے لئے ہر فرد بشر کی دنیا و آخرت کی کامیابی دین اسلام میں رکھ دی ہے، اور ہر مکلف مرد و عورت کو احکام شرعیہ کا پابند بنایا ہے، خواہ اس کا تعلق کسی بھی طبقہ اور شعبہ سے ہو۔ یہی وجہ ہے کہ دین اسلام کے احکامات صرف عبادات میں منحصر اور بند نہیں، بلکہ عبادات، معاملات، معاشرت، مناقشات، لین دین، خاندانی امور، علاقائی، ملکی و عالمی سیاست الغرض انسانی زندگی کے ہر گوشے کے بارے میں قرآن و سنت میں مکمل تعلیمات اور ہدایات اصولاً، اجمالاً، تفصیلاً کسی نہ کسی شکل میں موجود ہیں۔ پھر اللہ تعالیٰ کے تکوینی نظام کے تحت حضرات فقہائے عظام نے اپنی خدا داد صلاحیتوں کو استعمال کر کے انہی تعلیمات و ہدایات سے رہنمائی لے کر تمام ممکنہ مسائل کا ایسا حل نکال دیا ہے اور ایسے قوانین و ضوابط مرتب کر دئیے ہیں کہ جس سے دین اسلام کا کمال اور جامعیت رو